幾位美女和地獄廚神候選人前晚齊集電視城決一高下，其中一位美女廚神熊黛林（Lynn）更自備秘製回鍋肉醬汁出戰，可惜最終落敗而回，最後由阮小儀和諸葛梓岐成為新一任美女及地獄廚神。
袁詠儀（靚靚）、阮小儀、熊黛林、周秀娜、諸葛梓岐及鄧紫棋（G.E.M.），前晚以美女及地獄廚神候選人身份，在將軍澳電視廣播城錄影《天堂地獄爭霸戰》，一決高下，鄭伊健、葛民輝、鍾鎮濤、森美、伍詠薇及汪圓圓則擔任評判。
鄭中基最驚食屎
在初賽以最高117分入圍的小儀，在自選項目中炮製蝦乾蟹、雞湯飯、蒸肉餅、黃金蝦及芫荽魚片皮蛋菜瓜湯，結果贏得所有評判一致激讚，最後大熱以152.5分成為美女廚神，第二名則是Lynn，靚靚只能得第三。當晚一眾評判不時提點各人要把材料煮熟，以免中招，及至靚靚挑蝦腸時，似乎分辨不到蝦膏和蝦腸，主持之一的鄭中基笑說：「如果佢洗唔乾淨，我哋隨時食屎。」
主持人方力申發現工作人員寫錯「鑊」字，他大聲地說：「呢啲咪叫錯字。」森美抵死地說：「你正字咁叻，點解唔幫Stephy（鄧麗欣）做校對？」小方聞言說：「佢可以搵，但佢唔搵我之嘛。」全場即拍掌歡呼，但不知小方事後會否被Stephy扭耳仔？
阿葛則指靚靚已為人妻，伊健聞言即指着Lynn插嘴說：「咁佢係人嫂喎。我入嚟前俾人恐嚇。」阿葛即笑問：「係喎，你同步驚雲（指郭富城）合作。」伊健隨即指從電視上看到Lynn廚藝了得。
至於幾位地獄廚神包括周秀娜、諸葛梓岐及G.E.M.，廚藝明顯沒有太大進步，下廚時雞手鴨腳，其中諸葛梓岐炮製鱔時，完全不知從何入手，連內臟也沒有清除，最後以9個魔鬼成為地獄廚神，G.E.M.以五個緊隨其後，周秀娜則得第三。
熊黛林否認婚訊
此外，Lynn雖然帶備私伙秘製回鍋肉醬汁，但最後都落敗，問到男友郭富城有沒有試過這個私伙醬汁？她表示未有，記者笑說城城只是獨沽一味打邊爐，Lynn即甜笑，之後力撐男友說：「打邊爐好味嘛。」日前Lynn媽咪由南京來港，即有傳是來和城城見面兼傾婚事，Lynn說：「點解要見城城？真係越寫越離譜，我哥哥之前結婚，所以帶埋阿嫂嚟見我，媽咪一齊嚟探我，我唔會咁早結婚。」
採訪：楊潔雯
攝影：彭琮然
一煮成名：蘇玉華首屆廚神
首輯《美女廚房》的《天堂地獄爭霸戰》在06年播出，在270萬觀眾見證下，蘇玉華憑高超廚藝擊敗楊崢成為美女廚神，廚藝最差的官恩娜，則憑尿味蝦包尾、力壓曾火燒廚房的吳雨霏成為地獄使者。獲封終極美女廚神的蘇玉華獲10萬元現金獎，更火速有出版商斟洽她推出烹飪書。
