莫可欣、袁彩雲和洪子晴等昨日現身中環LKFTower，出席瑞士護膚品牌LaPrairie活動，莫可欣大談BB經，她說：「BB女家14個月大，月中會返playgroup，要開始佢20幾年辛苦返學生涯。」會否怕囡囡感染病菌？她說：「出多啲街可以增強體質，喺溫室反而會易病。」其夫方中信早前透露一個小朋友夠數，問是否獲她共識，她笑說：「應該OK，順其自然。」至於早前方中信大彈o靚模不健康，她大唱反調說：「人哋都係搵食，冇乜所謂，又有嘢睇。」
袁彩雲明年生BB
此外，問袁彩雲何時生BB，她笑說：「未有，不過知奶奶好想抱孫，加上我老公係大仔，長子嫡孫有壓力，同老公都有共識出年返加拿大，便開始諗生BB，家我都想同老公平日行多啲山、打吓羽毛球，過啲健康生活，生BB都會易啲。」
採訪、攝影：LawWaiMan