o靚模Lavina日前到澳門賭場演出，穿上紅色露腰裝的她，當日即場拍攝自拍照，再親吻照片後，當作抽獎禮物送給現場的幸運兒。Lavina說：「呢排好忙好攰，好想放日假返屋企瞓覺。」她表示不希望做紙上明星，故會努力增值自己，她說：「我真係好有興趣喺呢行發展，無論將來條路點樣，我可以講我係一個輸得起嘅人。」
連累鄧穎芝
另外，鄧穎芝昨日在新城接受訪問，談到前男友William和現任女友FionaWoo分別發聲明與Lavina劃清界線，鄧穎芝表示曾經因此事不開心，她說：「報道出咗之後，佢女朋友都搵過我，最初係同我講唔好意思，好似拖我落水，不過之後就叫我唔好再講咁多嘢，因為件事已經令William同佢爸爸鬧交，但係我問心無愧，我都係講番自己事，所以咪打電話畀William，佢都同我講唔好意思。」
採訪、攝影：何慧斯