蔡卓妍（阿Sa）昨日以代言人身份，到灣仔動漫節出席可口可樂宣傳活動，談到o靚模潮湧現，阿Sa笑言自己已26歲，而o靚模是25歲以下，但近日外界批評o靚模性感出位打扮教壞小朋友兼意識不良，阿Sa笑說：「我唔係日日咁留意，但因為報紙每日都出，所以我都留意到。其實都要睇吓佢哋係點性感先可以話係意識不良。」不過阿Sa也寄語o靚模不能單靠賣性感，個人必要增值學習。
否認嫁鄭中基
另外，早前Sa爸和鄭中基爸爸鄭東漢見面被傳媒撞破，因此傳出阿Sa和鄭中基好事近，阿Sa聞言說：「講咗好多次，我會30幾歲先結婚，佢哋只係傾生意，我仲好後生。」記者笑言鄭中基已到適婚年齡，阿Sa則笑而不答。另外阿Sa透露將再單飛出碟，但強調Twins不是拆夥。
採訪：胡比
攝影：葉君海、陳志嵐