伍詠薇同老公練海棠之前結婚10周年去咗新加坡再度蜜月，返港後大家各自工作，噚日練海棠同個女仔一齊喺中環ifc商場出現，佢仲好有風度咁幫個女仔截的士，後來練海棠話畀馮仁昭聽：「嗰個係雜誌美容版編輯，其實仲有個舊同事喺度，因為要傾啲美容廣告，好在我有話畀太太知啫。」練生一向係乖老公，伍姑娘一定信任佢。