【本報訊】在支持市建局的管治階層眼中，深水埗老商戶拒絕遷出，是「阻住地球轉」，讓街坊參與重建，是令簡單問題複雜化。由政府委任的市區重建策略檢討督導委員會成員李頌熹認為，市建局用200萬元收購80萬元的舊樓單位，已足以彌補街坊所有損失，「居民唔識做地產發展，拖耐咗仲大鑊。」
「用錢賠最簡單」
李頌熹於03至06年間擔任房協主席，又做過市建局前身土發公司董事。他日前以督導委員身份，向記者分享多年重建心得。對於深水埗福榮街重建戶黃乃忠上月終被房協逼走，李頌熹直言拖得太久，「好鬼慢，啱啱先搬走咗條友，楊家聲（現任房協主席）都就嚟卸任，只係因為一戶人家，成個項目就咁拖咗一年。」
目前市建局一旦收樓，會向自住業主提供市價與津貼補償，相等於同區七年樓齡物業價值，他說是經過深思熟慮才定出，「用錢賠最簡單，唔應該用兩個問題去解決一個問題。」又指若將居民原區安置會產生很多麻煩，「社區網絡都冇咗，仲搬番嚟原區有乜意思。」他說不少舊區街坊都很感激市建局，「觀塘有人收咗錢之後，買一個單位自住，一個收租，幾鬼開心。」