白韻琴早前做跟得夫人，陪謝偉俊（Paul）遊黃山，更有幸欣賞到日全食，顯得興奮雀躍。白姐姐大爆Paul次次替她拍照後都沒有回頭，就算數碼照片都不讓她在電腦翻看，令白姐姐打爛醋埕，即笑指Paul必定在電腦收藏了不少見光死的美女照。
白韻琴和謝偉俊平息了感情的小風波後，兩夫婦早前為觀賞難得一見的日全食，特別到安徽省遊黃山，順便大晒恩愛。黃山已列作世界遺產，白姐姐對黃山聞名不如一見的日出、雲海、奇松和怪石四大奇景，讚嘆不已。
睇日食好冧
Paul全程都帶備新款相機，不時四出取景留念，問到他可有為白姐姐留倩影？白姐姐日前在電話說：「冇，佢有佢影，次次同佢旅行，佢幫我影嘅相都冇晒影，以前Paul影完相會交畀秘書冲曬，但唔知係咪個秘書唔鍾意我，次次啲相都冇回頭。」不過，現在數碼時代，白姐姐大可要求Paul把她的玉照放在電腦讓她欣賞，白姐姐抵死地說：「佢唔肯，可能怕佢收埋啲靚女相畀我睇到喎。」
Paul這次以立法會旅遊界議員身份，與業界共40多人相約遊黃山，白姐姐則做跟得夫人，夫唱婦隨，兩公婆看到日全食一刻都感動不已。Paul大讚有現場感，白姐姐說：「真係千載難逢的好機會，睇到梗係好難忘啦。」尤其白姐姐可跟至愛一齊欣賞日全食，她說：「電車男攬住周秀娜個攬枕就會覺得好滿足，但我哋一齊睇到呢個畫面都好冧。」
坐轎登黃山
白姐姐早年受傷致左腳有傷患，黃山的山路雖經過修葺較以前易行，但白姐姐仍帶着柺杖登山，體貼的Paul更為白姐姐僱用了轎夫，白姐姐說：「我行到攰就上轎度坐吓，都好舒服，但好多時都自己慢慢行。」登山和落山兩程合共700元人民幣，並不便宜。
採訪：比華利
