銅記剛於上周六新開了一整幢JFT,樓高三層共三萬呎,雲集八十多個o架牌,真係聽到都興奮!而甚受香港女仔歡迎的澀谷109,更搬到JFT頂層,帶來11個最Hit日牌,睇嚟今鋪都要加人工先至買得齊!
記者:陳諾堯
攝影:譚盈傑、林栢鈞、梁細權
Model:Celia@Jamcast
蛯原教入日本襪
第一次來港工作嘅日本紅模蛯原友里,似乎都好鍾意香港,「我覺得香港好Cool,有好多街行,好多嘢玩。我今日都係第一次坐電車,感覺好好,但無預算到會成為那麼多人的焦點,所以怕影響到其他乘客。我最想喺香港食魚翅,但係得番三至四日留低,連手信都未有時間買。」問到覺得香港女仔印象如何,佢就話:「好多都好靚,識打扮又有FashionSense,整體上都好適合着日本牌子,身形樣子都係差唔多。」蛯原更推介大家着日本襪界老字號Fukuske,因為最近有條新Line「F*ingMotesto」係佢設計同代言的,Design上比較Young同易襯。
必上二樓掃109!
記者一行入JFT,感覺好Fresh,地方闊落而且Sales好笑容,果然有些少去咗日本Feel。必到位是二樓頂層,皆因全屬澀谷109品牌,大部份都是我們經常睇雜誌見到的,平時香港有好多貨都買唔到,家陣經已近在咫尺,仲有得試上身又有手感,好過上網Order多多聲!開幕當日更有日本超紅模蛯原友里助陣,仲有Fans團追星,搞到成條街都逼滿人!
①JFT開幕當日,簡直是熱鬧到離譜。
②樓高三層,這是由一至二樓的樓梯,可見地方闊落舒適,行得放心自在。
③一入正門就見Modern的裝修,甚有Hi-Fashion感覺。
OL系斯文有型
在日本行街眼見大部份女仔都好有FashionSense,知道自己長處係咩,會識得從着衫入手去顯現個人性格。記者本身比較難Carry斯文少女款式,但不得不介紹簡約Cutie的MielCrishunant同Duras,Duras一向都受OL歡迎,大部份款式都係簡單有型,絕不誇張,但看得出它是緊貼潮流的。
民族牌潮爆紮染
一向鍾情沉色東西,如果有得揀,都會買黑、白、灰和藍四色,但一看見HighClass民族牌Panaji時,我便立即愛上了。那種自然飄逸Style真的很難抗拒,舖內有很多長裙靚爆鏡,可惜因高度問題,記者都不會挑戰它。另外,紮染和花花圖案都造得很好,質地係Cotton,但又很滑很薄身,是JFT頂層中最不俗氣的一間。
潮女必捧Egoist
澀谷109中的Egoist在港最多Fans,亦是當中的老臣子,全因為佢本身嘅Clothing唔難着,由CasualWear到GlamLook都有,有型又性感。今個夏天以淨色Products為主,但質地一如既往咁正,顏色都是黑、白、灰和藍等沉色,未試過Egoist但又型得起嘅你,得閒去JFT試試啦!
JFT(21680000)
銅鑼灣波斯富街108-120號G-2/F