無綫前高層陳佩華（小圖）前日娶新抱，夜晚喺尖沙嘴美麗華酒店擺喜酒，圈中幕前幕後畀面到場，包括張家輝、苗僑偉夫婦、鄭則士夫婦同林超賢等。問陳佩華畀新抱仔幾多分？佢話：「好好，畀101分，佢哋本嚟係冇機會碰面，係神嘅安排，真係好感恩，至於抱孫就等佢哋同神去安排。」張家輝笑言佩華姐娶新抱，開心到手震！