席捲全城的露肉o靚模熱回落，諸葛梓岐與江若琳昨日行泳裝騷，以密實吊帶沙灘裝示人。諸葛梓岐笑指身體被媽咪私有化，堅持私伙泳衣打扮只供家人和男友薛嘉麟欣賞。
諸葛梓岐（Marie）、江若琳和男子組合Square等，昨日在將軍澳出席商場海洋節活動。周立璟模特兒新女友Marietta與一眾外籍女模特兒，身穿比堅尼行騷兼下水濕身，Marie和江若琳則相對密實，只是穿吊帶裙或tubedress示人。
「我唔着佢最開心」
面對現時o靚模瘋狂式賣肉，33C的Marie謂堅持不接內衣及泳衣騷，她說：「我身材都唔差，不過媽咪好介意我着泳衣，屋企人會嬲我，上次性感露背相媽咪都唔鍾意，呢啲私隱只係留畀同家人一齊先着。」只給男友薛嘉麟看？她笑說：「我唔着佢最開心。」男友私有化她身體？她即解釋說：「唔係，係媽咪私有化。」
Marie又指賺錢不是最重要，就算到日本發展都不會放肆性感。提到周秀娜的人形攬枕惹來道德爭議，Marie說：「如果嗰個人接受到咪得，我自己就唔OK，見到啲人揸住（攬枕）嘅係重要部位，真係接受唔到。」
江若琳拒自暴其短
同場江若琳則覺得自己身材差，不敢人前暴露，她說：「我平時去沙灘都係着一件頭，我好老土，都幾冇信心，費事自暴其短。」
此外，周立璟新女友、23歲的奧地利模特兒Marietta只是拍了兩個月拖，就被拍攝到結伴外遊，提到周立璟是花花公子，常換女伴，她即說：「吓？他很好的，我們在KeeClub認識，我來港三個月，拍了兩個月拖，我也有見過他的父母，出席他母親生日會。」
採訪：JessicaNgan
攝影：WongManShing
