花旗經濟進一步收縮，上季嘅GDP下跌1%，已經係連續第4季下跌，但係花旗股市照升，分析員話收縮嘅幅度比預期細，咁即係話，花旗股市短線仲係傾向炒上唔炒落。
港股上禮拜五高收，雖然期指收市前一刻出現大低水210點，但應該唔會影響港股反覆偏好嘅走勢。
新世界C輪15037：新世界發展（017）上周五報收18.50元，升2.7%。股價周初喺高位橫行，禮拜五再度推上，技術形態好靚，上望22至24元，可以諗吓隻C輪15037。
隻輪現價78仙，2009年12月30日到期，行使價11元，溢價1.62%，引伸波幅76.7%，槓桿率2.3倍（有效2.1倍），正股升上24元，15037有機會升6成，如果正股跌穿16.50元，就沽咗隻輪止蝕。
俊樺