既係財務公司主席、又係詠春愛好者嘅冼國林，除咗一手促成黃拍咗一套叫好又叫座嘅電影《葉問》外，唔知係咪因為咁，同黃百鳴變成好朋友呢？黃百鳴持股約一成嘅上市公司東方實業（009），由今個月1號開始，委任冼國林做非執行董事。
冼國林初步合約期一年，其後將繼續，直至其中一方提出書面通知終止，每個月基本酬金2.5萬蚊！
任非執董 月薪兩萬五
冼國林整個事業旅途都幾傳奇，96年加入永亨（302），幫手創立永亨信用財務，比起家搵鄭中基做代言人更似代言人，直到07年，自己做老闆，創辦第一信用財務兼擔任主席。舊年旺角漢普頓酒店因負債纍纍，俾債主東亞（023）追到氣咳，佢仲曾經請纓當白武士，不過最終以失敗作結。
冼國林17歲開始習武，與詠春結下不解緣，結果成為《葉問》幕後老闆，再度掀起功夫熱潮。其實黃百鳴都考慮以冼生作為藍本開套戲，話唔定係另一套《葉問》呢！