公民黨湯大狀做咗議員仍然醉心樂壇，噚日喺網誌撰文，指過去唔少J字頭嘅巨星，都喺事業高峯離奇暴斃，唔知米高積遜（MichaelJackson）係咪都受到呢個「J的詛咒」咁話。
湯大狀指，鬼才結他手占美漢迪士（JimiHendrix）1970年離奇暴斃，同年10月搖滾巨星珍妮索連麗（JanisJoplin）倒斃酒店房，翌年樂隊門戶（Doors）歌手占摩利臣（JimMorrison）喺巴黎住所離奇逝世，美國田園歌手占葛奧治（JimCroce）亦喺1973年死於飛機失事，1980年約翰連儂（JohnLennon）被刺殺，加埋近排逝世嘅MJ，已有6位J字頭嘅天王巨星喺事業高峯時死於非命。