【09動漫星戰場】潮州o靚模周秀娜（Chrissie）、莊思敏與師妹A.Lin（裴殷）、Dada（盧頌之）、HaileyC.（陳煦晴）、Crystal（溫雅妍）、Anjaylia（陳家寶）、Isabel（賴慧敏）和Evelyn（蔡穎恩）獲日本三大潮流名店之一的JFTStore，邀請出席銅鑼灣旗艦店昨晚的開幕派對，同時更獲安排贊助服飾。Chrissie繼在書展打贏漂亮一仗後，連日本的潮店都邀請她任嘉賓，可謂火速升呢。
日本三大潮店之一的JFTStore，在銅鑼灣開設旗艦店並於昨晚舉行開幕派對，周秀娜、莊思敏與師妹A.Lin、Dada、HaileyC.、Crystal、Anjaylia、Isabel和Evelyn，更獲贊助以日本澀谷109系的潮服示人，同場還有被譽為日本第一美女天后蛯原友里。
自認具東方美
Chrissie與眾o靚模前日到店舖挑選服飾，問升呢後的她會如何裝備，她笑說：「其實大家各有各嘅特色，不過香港女仔會多啲亞洲同東方人嘅美態，所以我都唔擔心會失色。」
因工作關係，Chrissie很早便現身，她說：「連埋party嗰套衫，我差唔多試咗10套，不過有啲唔啱size，但基本上都係我鍾意啲款，所以唔難揀。」問她口中所指的「唔啱size」，是否與上圍太大有關，她笑稱只是衫身太大，與上圍無關。
A.Lin努力銀
眾o靚模甫到場即被店內的服飾吸引，花多眼亂的A.Lin更笑說：「真係好難揀呀，太多選擇啦，搞到我都好頭痛。」問A.Lin今次活動的酬勞，她說：「我要問番經理人先知呀，但我唔會理，有份被邀請做嘉賓已經好開心，即係話我哋得到人賞識同認同。」對於師姐Chrissie近半年勁賺逾400萬一事，A.Lin說：「真係o架？我會視佢為目標，努力工作賺多啲錢。」
採訪：何慧斯 攝影：黃文成
