傅穎（Theresa）昨天在銅鑼灣出席一個電視遊戲機活動時，即場與歌迷比賽。周秀娜推出巨型攬枕惹來反對聲音，Theresa對此說：「我覺得好靚，但我冇諗過出呢樣產品，以前曾經出過一比一人型紙版，其實日本之前都有呢個idea，冇乜問題。」
遇非禮必大叫
至於繼鄭融在活動上被非禮後，前天動漫節o靚模Melody聲稱被人摸pat，Theresa說：「希望大眾市民可以好好控制自己，要守行為。女藝人去人多嘅地方做嘢係在所難免，冇得避，都係想打扮亮麗啲，就算着得密實啲，都可能會有呢啲事發生。」她更稱若事情發生在自己身上，她會大叫，她說：「我會反抗，有諗過打番佢，但都係唔好，唔可以同佢有接觸。」另外，她又否認患子宮頸癌的報道，稱當日是打防子宮頸癌疫苗。
採訪、攝影：王連連