南華今日5時30分在香港大球場上演的足球表演賽，決定遣強陣出擊，3名貴價外援均會落場配合隊內多名一線「土炮」，挑戰舟車勞頓且表明收起羅比堅尼等主力的英超球隊熱刺，看來有機會再為主場球迷帶來驚喜。
為慶祝南華創會100周年，該隊足主羅傑承今季邀請到剛在北京踢罷英超亞洲挑戰盃的熱刺來港踢表演賽，順便為南華下月的亞協盃8強試陣；羅傑承認為南華近年鬥外隊表現份外精神，加上今季招兵買馬，實力增強不少，雖然對手是英超勁旅，但有信心可以2:1擊敗熱刺，而剛抵港的玻援卡斯迪路亦會落場。此外，他有信心今日臨場能有超過35,000球迷入場觀戰。
卡斯迪路料下半場搏殺
事實上，南華今季除羅致卓卓、李威廉及梁振邦等港腳，還羅致卡路士、雷文及卡斯迪路幾名貴價外援，目標相當清晰，就是奪取亞協盃及橫掃本地球壇。到底這幾名貴價貨是否物有所值，確教球迷期待（見另文）。
總教練金判坤昨出席完在屯門舉行的賽前記招，隨即趕往高士威球場觀看新兵、玻利維亞國腳卡斯迪路操練：「此戰是球隊成軍後首場正式賽事，主要為稍後的亞協盃做準備，新援中場雷文及中堅卡路士將正選上陣，至於卡斯迪路會在下半場登場。」
熱刺料用部份副選
至於歷來第三度訪港的熱刺，此行缺少受傷的京治、活基治及剛加盟的長人中鋒高治；領隊哈利列納抵埗後更透露，前晚助球隊在英超亞洲挑戰盃贏侯城捧盃的正選球員，此戰不會正選落場，意味羅比堅尼、迪科爾及哥魯卡等將退居後備。
哈利列納為免球員過份勞累，昨晚在大球場的賽前操練，讓前晚的大部份正選休息，留在酒店健身及按摩。他說：「球隊季前行程相當緊密，球員確有疲態，故將輪換部份球員；其中柏夫里約真高、奧哈拉及丹尼路斯等年輕球員會正選。」熱刺大軍今晚賽後便會立即離港，為月中展開的英超作準備。
此外，為悼念剛去世的卜比笠臣，今日開賽前將有默哀儀式。本報訊
《花絮》
戴倫賓特被罰154萬
成日話精人出口，笨人出手，不過熱刺前鋒戴倫賓特出口都唔見得叻仔。佢早前因被列入清洗名單，並無隨隊來港，之後竟然喺Twitter戶口公開辱罵主席利維。雖然上周五已經公開道歉，不過球會仍決定罰佢兩個禮拜人工，足足成12萬鎊（約154萬港元），都咪話唔甘！
南華贏波有7倍
南華近年周不時會喺暑假友賽迎戰強隊，不過戰績一般，好似07年英超挑戰盃，就分別以1:3及1:4不敵利物浦同富咸。難怪今次有為「南熱大戰」開盤嘅海外賭波公司Bwin都睇淡主隊；南華W賠率為7倍，和係4.1倍，熱刺贏就得1.4倍，即管睇吓「少林寺」聽日可唔可以爭口氣啦！
列納要簽10個？
熱刺下年要簽多10個人，直到用晒主席利維啲錢，仲要贏曼聯、車仔同利物浦？可能領隊哈利列納（左）嫌屯門市廣場記者會冇乜人，爭咁啲氣氛，於是講個笑話吓大家開心，但信唔信就心照啦。
擁南躉製造「傳旗」
南華今年斥3,000萬班費組軍財雄勢大，估唔到連球迷財力都唔弱。佢哋自掏腰包，用幾萬元整咗面25x35呎、上面寫住「亞協盃南華必勝」嘅大旗，今日喺大球場為主隊打氣。呢班擁南躉仲希望喺開賽之前，由北看台主層位置開始「傳旗」，等面旗席捲全場，為南華打氣。
今早10點有飛賣
香港大球場今晨10時開始發售賽事餘下門票，除100元的長者及學生票售罄外，其餘250元的高價票尚餘數百張及大量200元門票；球迷如未能親身入場，可在賽前留意無綫明珠台的最新公佈。