朋友結婚，我突然冒出一種可怕的想法，冇車（有架爬山電單車）冇樓（家住元朗錦上村屋）的他，就快要當爸爸，會不會興起買樓的念頭。
買樓結婚，曾經是我們這批「三好青年」最敵視的計劃。但凡朋友中有人這麼做，等於自認老土，等同跟理想割席，換句老實話說，即是「佬了」，冇晒型，冇晒款，走晒樣。這樣的朋友，絕交就算，無甚可惜。
但後來發展下去，朋友中有樓的，一直樓換樓，細換大，高峯期時忽然把樓賣掉，套現搞了很多莫名其妙的私竇私作，滿足了許多年來當小老闆的慾望。因為有樓，這批人才有backup，敢豁出去搞作。反而無殼蝸牛那一批，兩袖清風，平淡如水，well，也許正確而言，是淡得出鳥，時代色變人家坐了幾轉過山車，總算刺激了一場。無論如何，比他這邊餐餐白開水熱鬧精彩。
結婚跟買樓，應當審慎。生仔更要諗過度過，自我做足分析員才好去馬。萬一睇錯市又點呢？既然我已經做足三樣，這個過來人算是有點發言權，我會勸後悔的人盡快斬倉免得夜長夢多。下不了手的，就要長遠打算，睇化些，當自己參加了lifeplan三項鐵人耐力賽。