富豪後人潮興做公職，政府噚日宣佈委四叔大仔李家傑同已故電子大王王華湘個仔王忠秣做粵劇發展基金顧問委員會新成員，其他六個成員不變，期至2011年7月31日。功成身退嘅兩名成員分別係嘉華國際大老闆呂志和同名醫梁乃江。
粵劇發展基金目的係籌募款項資助粵劇發展，顧問委員會向民政事務局局長就粵劇發展基金行政同管理事宜提出建議，重點工作之一係鼓勵社會人士支持基金，即係向人揼心口籌款，點解搵富豪後人做成員，大家明啦。李家傑對粵劇有幾多興趣，八方唔多清楚，佢近年做慈善工作則比較多曝光，除睇實四叔個內地扶貧「溫暖工程」項目，亦創立「李家傑珍惜生命基金」。