馮仁昭四圍超:有線否認收視零蛋 - 馮仁昭

馮仁昭四圍超:有線否認收視零蛋 - 馮仁昭

有線高層胡容卿自從接掌之後推行一連串改革,仲請咗張達明、詹瑞文同陳啟泰主持新節目,噚晚喺有線總台搞埋祝捷會,外人睇仲以為形勢大好,但係祝捷會前各大傳媒收到一封告密信,內容踢爆新節目收視差,甚至乎話試過零收視點,又指請埋人氣唔及當年嘅張達明,一啲都冇幫助,唔明點解胡容卿仲搞祝捷會喎。胡容卿喺祝捷會上被問到呢件事,佢話對收視好緊張,所以絕對唔會亂報數,張達明就話:「呢封告密信好搞笑,我覺得係不招人妒是庸才,所以唔使理會。」