隨着陳貝兒跳槽無綫、主播不斷流失，有線娛樂新聞台將於8月9日招聘主播，4位主播區永權、劉明軒、王曉君及李潤庭日前到觀塘打wallgame，以上戰場比喻當主播，宣傳有線娛樂新聞台招聘新一代主播的行動。
一腳踢練到好武功
區永權以精神分裂來形容這份工作，區永權說：「做節目着到好靚仔出鏡，背後做到精神分裂，採訪頒獎禮同人逼，主持要寫埋稿，全方位乜嘢都自己做晒，久而久之練到一身武功。」張栢芝在淫照事件後接受了有線獨家專訪，由他做主持，但劉德華的事卻令他印象更深，他說：「開台時諗住應該冇乜嘢人會睇，喺電台見到劉德華，佢主動同我打招呼，連天王都睇我做主持嘅節目，覺得好驚訝。」
王曉君跟有新聞王子之稱的李潤庭同是04年加入，李潤庭由報時事新聞轉到做娛樂新聞，他說：「娛樂有機會試到多啲嘢，初時做得辛苦，有諗過唔做。」王曉君感受最大是學曉如何看明星的眉頭眼額，她說：「家面對藝人識得建立關係，試過問黃秋生，問三句答得一個字，就算喺鏡頭前窒你都要識得點去笑。」劉明軒則因愛說話也愛表演，所以選了這份工作，不過她寄語有志入行者：「真係諗清楚先。」
採訪：魯萍 攝影：彭琮然
場地：XGameSquare