容祖兒（Joey）、「翻版徐子淇」鍾浠文、AmandaS.、Jocelyn等昨日到中環出席Reebok高級運動服系列發佈會，Joey等人即場示範新健身方式，其他模特兒則率先穿上新款運動服飾行catwalk，不過穿上超薄白色上衣的鍾浠文在台上行騷時發生露點疑雲，事後她接受訪問時就強調已用nudebra打底，所以露出的只是nudebra。
小心揀導演
在台下睇騷的Joey目睹鍾浠文走光情況，她以師姐的身份稱自己也曾有此經歷，她說：「因為我哋做騷時成日要quickchange，所以會有啲咁嘅情況，好彩平時有好多同事幫我睇住，試過一次最勁就係露底褲邊，嗰時我仲要着T-back。」
對於近日被網民踢爆為百老滙拍攝的廣告疑抄襲07年微軟Zune的廣告時，Joey顯得百詞莫辯，她支吾以對說：「唉，幾尷尬，世界科技咁發達，唯一可以做就係對自己誠實，對自己負責任，作為藝人同歌手，有好多重嘅身份，拍廣告時我嘅身份係演員，自己有對自己嘅操守同要求，今次係唔小心，下次揀導演小心啲，報道出街都有啲愕然同唔開心。」Joey透露稍後將會拍攝新一輯廣告，但她強調和今次抄襲事件無關。
採訪：何永寧
攝影：彭琮然