鄭融日前在公開活動上遭胸襲，令一眾女歌手出席公開活動時都提高警覺性。譚詠麟（阿倫）前晚出席《勁歌金曲》時透露自己於外地工作時，試過被男fans「海底撈」偷襲。
譚詠麟、鄭融、薛凱琪及方力申等人，前晚到電視廣播城錄影《勁歌金曲》。阿倫表示得知鄭融被胸襲一事，他說：「我有安慰佢，都贊成佢將嗰個人繩之於法，不過我之前去泰國、馬來西亞做嘢時，都試過俾個男fans海底撈，當時我醒番佢一拳。」
透明粉末搜證
一向愛搞笑的阿倫又提議大家應將透明粉末抹於身上，他解釋：「大家可以效法政府，將啲透明粉整上身，如果有人當你個身係星光大道打手印，一定會發現，嗰個人一定走唔甩。」
有消息指麥浚龍（Juno）與鍾欣桐（阿嬌）拍拖時，借拍MV為名，力追混血模特兒Janine，及後更被阿嬌發現情慾短訊而導致分手。方力申被問及此事即指不作回應，他說：「我冇睇，人哋嘅事我唔答啦，唔關我事。」當問到阿嬌有沒有偷看其短訊？小方說：「佢點會偷睇到呀。」
小方死撐Stephy
另外，鄧麗欣（Stephy）日前被揭發會考中文成績只得E，小方死撐緋聞女友說：「中文拎E同出書有乜關係？錯字係公司校對嘅問題，我自己文盲都可以出書啦，因為校對去負責，所以寫書同學業係兩回事。」小方又表示求學不是求分數，他續說：「1分唔代表冇發圍、冇前途，我自己就要進修多啲啦。」
採訪：王崇穎
攝影：陳順禎
