謝安琪（Kay）最近飽受與陳奕迅（Eason）的緋聞困擾，日前更有報道指張繼聰刻意在手臂紋身嚇走陳奕迅。昨天Kay到商台訪問時重申：「紋身係年幾前嘅事，完全唔關事。近日俾人拎嚟炒作。經過咁多洗腦式嘅報道，有啲朋友好錫我，但都開始懷疑我，見到我時變得好尷尬。入行4年我同每個合作嘅人都會做朋友，影響咗友誼好唔抵。我冇能力同每個人澄清所有嘢，我覺得好無辜。」
幸得家人信任
幸好Kay的老爺奶奶仍然信任她，與丈夫的感情沒影響，她說：「屋企知我冇乜嘢消遣，做嘢後就返屋企。」但她不會因此刻意與Eason保持距離：「本身通常做嘢先見，私下都冇食過飯。我係一個溫情嘅人，節日問候SMS係唔會避忌。」昨晚張繼聰有音樂會，但Kay另有工作未能出席，她否認刻意避忌。另外，Kay要視乎公司才決定會否從法律途徑追究。
採訪、攝影：王連連