鄭融日前到將軍澳君薈坊出席活動期間懷疑被胸襲，事件令女星聞鹹豬手色變，每逢現身人多場合例必雙手護胸，商場方面也加強保安。吳雨霏（Kary）和江若琳等前晚到德福廣場與fans近距離接觸，兩人均有保安和同事護駕，才可安心。
江若琳、吳雨霏、周柏豪、陳柏宇和方大同等一班年輕歌手，前晚到九龍灣德福廣場擔任「第三屆HKIT我有創意流行音樂創作毅進音樂會」表演嘉賓。
由於鄭融在剛過去的周日到將軍澳君薈坊商場出席活動時被胸襲，所以前晚商場明顯加強保安，除了在出入位加多欄杆以阻隔歌手和觀眾，也增加了保安人數，難怪現場幾名女歌手冇有怕，不時行近fans堆與他們近距離接觸，Kary更無懼鹹豬手事件重演，身穿領口微低的上衣。
Kary唔敢教Stephy
事後Kary接受訪問時說：「件事令大家有警惕，我有保安同助手圍住入嚟，所以唔擔心。」江若琳則透露公司安排了三個同事來保護她，她也很欣賞鄭融出來指證色魔的勇氣。
江若琳曾先後與周柏豪和陳柏宇傳緋聞，其中江若琳和周柏豪同期出書，他們在記者要求下大方合照，並即場合巹交「書」，周柏豪歌迷即時呷醋起哄，江若琳說：「佢太靚仔，我鍾意非典型靚仔。」江若琳昨日又到新城接受訪問，表示之前跟楊丞琳合作，成為摯友，她說：「我哋要分開嗰日大家攬住喊咗好耐，我叫佢下次嚟香港一定要嚟我屋企住。」
對於鄧麗欣（Stephy）被踢爆中文會考只得1分，Kary力撐好姊妹說：「唔知係咪事實，就算係都冇問題，雜誌針對佢，其實佢比以前進步咗。」Kary自爆曾學法文和普通話兩年，但她謙虛謂普通話不是太好，所以未能教Stephy拼音。江若琳則透露新書在書展賣了萬二本，令她很開心，又強調作品會給校對核對錯字。
鄭融綵排《勁歌》
此外，鄭融昨日到無綫電視城綵排《勁歌金曲》，鄭融坦言近日不時被追問到心情如何，她多謝大家關心，對於是否已走出陰霾時，她說：「見到識嘅fans就OK，等心情平穩啲，諗正面嘅嘢。」
採訪：馬建華
攝影：彭琮然、陳俊強