大市噚日上晝唔算有好大跌幅，食完晏返嚟成個世界唔同晒，A股最多跌超過7%，恒指晏晝喺期指帶動下跌咗800幾點，好彩低位有支持，反彈回20135收市。
港股升咗咁多，震吓倉在所難免，暫時都睇唔到升浪結束嘅迹象。下禮拜一兩大銀行公佈業績，要望多兩眼。
恒生C輪16139：恒生銀行（011）昨收124.30元，升1.8%。恒指成份股得6隻上升，佢係其中之一，走勢強勁，公佈嘅業績應該唔會差，短線睇143元，可以諗吓隻C輪16139。
隻輪現價19.3仙，2009年12月30日到期，行使價110元，溢價4%，引伸波幅39.1%，槓桿率6.4倍（有效4.5倍），正股升上143元，16139睇34.3仙，如果正股跌穿118元，就沽咗隻輪止蝕。
俊樺