黎耀祥睇樓得個桔

黎耀祥睇樓得個桔

由黎耀祥父子和許冠文等配音的迪士尼3D動畫《沖天救兵》,前晚在銅鑼灣舉行慈善首映禮,羽翹、港男許家傑、陳偉洪和吳雲甫等現身撐場,而黎耀祥一家三口到場,大受現場觀眾歡迎。

愛兒密謀減肥

祥仔笑言太太不是為他而來,只是要捧兒子黎正橋的場,因為兒子第一次配音。問到黎正橋會用第一次賺得的酬勞買甚麼獎勵自己時,他即搞笑地表示要買車,但只限滑板車,他又說:「今次配音好開心,好好玩,希望繼續再做。」黎耀祥也謂不會干涉兒子的喜好,他更踢爆兒子有意減肥20磅打籃球。
提到人氣急升的黎耀祥被指密密睇樓盤,他說:「未知,只係得個睇字,有間好過家先買,我都會買郊區多啲,因為環境靜啲,住起嚟亦舒服啲。」
採訪:何慧斯
攝影:陳慧安