黃耀明噚日喺銅鑼灣出席喺樂施會推廣嘅公平貿易活動，仲請嚟歐陽應霽下廚，煮嘢食同明哥齊齊享受吓公平貿易嘅食物。明哥話同歐陽應霽識咗好多年，明哥話：「佢成日請朋友去佢屋企食飯，我都好佩服佢，可以一次整20幾個人嘅嘢食出嚟，我雖然對煮嘢食有興趣，不過就冇咁嘅耐性，同最怕洗碗。」