你記得8歲時穿甚麼嗎？我記得，樓下三嬸車仔檔10蚊套的套裝裙。想當年我仲因為唔係阿哥同阿姐留下的vintage，同隔籬六叔都讚靚而沾沾自喜。雖然，所有小朋友最初的所謂styling，都是聽阿爸阿媽心意行事，但去完上月於佛羅倫斯舉行的PittiBimbo時裝展，我知道現今小朋友好有主見，買乜着乜自己話事，且細細個就已有心水愛牌，講起來年新款，首選layer和荷葉邊。
記者、攝影：陳慧敏
鳴謝：意大利商務處、PittiImmagine
皇族孩子開騷
「Pitti」即是皇族；「Bimbo」是小孩子。一睇個名，就知道將會是一街小王子小公主的時裝show。佛羅倫斯的PittiBimbo時裝show今年已經是第66屆了，吸引了100個國家，近8,000機構參展。謎宮似的會場除了有大量身光頸靚的買家，拖住幾歲的小王子小公主來睇新裝外，還有由全球挑選出來的「o靚模」通場走。所有最新款的童裝都給分成8個大主題，街頭服風格的Superstreet、ThePittiBimboandSportGeneration都是國際級童裝品牌；Babyworld就是幾個月大的BB裝；KidsDesign唔扮大人較孩子氣；NewView是些中型新品牌；EcoEthic都是有機植物製作的環保純棉衫仔；還有Apartment屬較formal的小服飾。場內雖然全都是世界級大牌，衣香鬢影，但主角始終係小朋友，一條4歲阿妹着的紗裙仔，$2,000才可交易，但過幾個月就唔啱着要買過，咁咪係同人唔同命囉！
PittiBimbo
地址：FortezzadaBasso,VialeFilippoStrozzi1,50129Florence
舉行日期：2010年1月
網址： http://www.pittimmagine.com/en/fiere/bimbo/
花花贏晒少女心
你可能話我崇洋，但係，在歐洲同日本見到的小朋友，穿衣配搭總比香港的技勝一籌，以為都是爸爸媽媽們的意思，但fashionshow場內最興奮，看得最留心的全都是小朋友，講起心水品牌同未來潮流，個個都頭頭是道，教番我轉頭呢！
八十年代浮誇Diesel
「好多人鍾意DieselKids，包括我，因為夠癲！」
今年剛好是DieselKids25周年慶，所以主題都以1984年做主題，個個小朋友着螢光裙螢光leggings，戴個大爆炸假髮、黐鬚，甚至銀白Bob頭配白衫白裙白boot仔，戴個大head-phone或鼓棍出來，總之有咁誇得咁誇，睇到全場拍手掌！
2010童裝預言
1.荷葉褶邊：收埋那些蕾絲，娃娃衫、裙仔，因為由上衣到手袋全部都係荷葉同荷葉。
2.拼布：不同布料的對比，膠外套等。
3.荷葉帽：除紳士帽、太陽眼鏡外，仲要有頂超巨型荷葉太陽帽。
4.螢光色：一係白撞白，一係就螢光色！
5.金屬色托底：leggings、底裙、內衣、褲仔要金屬色，撞個九彩。
6.繼續羅馬鞋：皮帶、平底凉鞋、羅馬鞋都興，又可選有流蘇或銀boot仔。
Dos&Don'ts
囗8歲食霸王餐
想去買靚靚童裝，PittiBimbo無得買，最近要去米蘭的童裝專門店，但細路仔在米蘭，原來有好多着數。最近在Duomo後面一家四星級酒店的餐廳，老闆剛剛榮升爸爸，即推出兒童餐服務。好普通？聽埋先。逢8歲以下的孩子統統免費食這個餐！其實，意大利等歐洲國家，等個餐閒閒哋要半個鐘，食一餐少說又要兩個鐘，於是餐廳便為小朋友提供大量蠟筆同玩具，引開他們等食時的注意力，讓父母可以安靜地食一餐飯，喘口氣。
IIRosaalCaminetto
地址：PiazzaFontana,3c/oHotelRosa
網頁： http://www.Starhotels.com
出門提一提
簽證：持BNO及特區護照免簽證。查詢：25220033（意大利領事館）
機票：即日起至12月31日，乘法國航空經巴黎到佛羅倫斯連一晚住宿，票價$5,370起。查詢：21578222（捷旅假期）
貨幣：1歐元約兌11.02港元（文中價錢已折算港元）
電壓：230V，兩圓腳插座
下周意大利
佛羅倫斯
天晴，
19-33℃
