黃婉佩（Race）和羅凱珊（Kama）昨日出席藝人王殷廷在中環開設的美甲店開幕儀式，Kama穿上婚紗做美甲示範。
Race被拍到帶緋聞男友向佐與父母飯局，向佐還送花給她，問到是否好事近？Race甜笑說：「我好多朋友都同過我父母食飯，咁啱嗰日出書，佢咪送花畀我囉，咁我父母嚟咗香港探我，佢（指向佐）咁啱有時間咪一齊食飯囉。」
問Race有沒有與向佐的父母向華強夫婦食過飯？她說：「都有嘅，都係咁啱囉，我家又係一個人住，過時過節怕我冇人理，咪叫埋我一齊食飯囉。」
Kama手袋自保
動漫節即將舉行，問Kama屆時會否擔任模特兒？她說：「應該唔會，我之前都未去過動漫節。」對於鄭融被人胸襲，Kama自爆被人借意抽水，她說：「有時搭港鐵，人逼逼嘅時候都可能會有啲身體碰撞，不過我會保護自己，着短裙行樓梯我一定會用袋遮住後面。」
採訪：胡比
攝影：陳俊強