星期初元朗公路發生專線小巴狂撼貨車嚴重車禍，貨車司機涉嫌危險駕駛。成件事邊個啱邊個唔啱大姨媽無本事評論，但就留意到貨櫃車超載同埋用「光頭胎」。其實用光頭胎真係件好危險嘅事，唔知大家係咪過份低估輪胎磨蝕帶來嘅後果呢？輪胎上嘅胎紋作用係令車輛行駛、制動及加速時能更有抓着性，對行車安全有很大幫助，相反胎紋太淺，抓着性亦會大大降低，產生嘅危機可想而知。所以法例亦規定，橫跨胎面四分之三闊度並環繞整個輪胎圓周上嘅胎紋，深度必須最少達1毫米，近年製造嘅新輪胎，喺胎紋中央坑紋設有胎紋損耗指示，提醒車主夠期換胎！大家亦要留意是否用啱輪胎，還有氣壓等問題。時時留意，以免累己累人！
文：大姨媽