【本報訊】曬太陽燈要適可而止，若連續曬超過10分鐘，隨時曬傷皮膚。有過來人曾因曬太陽燈時「瞓着咗」，曬了20多分鐘，結果曬傷皮膚引致全身出紅點。太陽燈常客、才子王貽興與藝人洪天明均認為，最重要是做足防護措施，切忌為求貪快曬黑而「曬過龍」。
洪天明：最緊要適量
許先生曾曬太陽燈10多次，直至他光顧的美容中心倒閉而停止。他說曬太陽燈每次大約8分鐘，每次職員都有提醒他不要曬得太長時間，但有一次他因為太累，曬燈期間睡着了，「一口氣曬咗廿幾分鐘，痛到醒咗，全身好似火燒咁痛。」事後他全身出紅點及甩皮，要多天才散去。
不少藝人名人都愛曬太陽燈，力撐曬燈健康又安全。才子作家王貽興說，曬太陽燈並非外界所指般恐怖，「我會先搽合適度數防曬，再用埋太陽油，可以達到雙重保護皮膚，唔好曬太多同太急，有啲人未足24小時就再去曬，會對皮膚造成好大傷害，我自己一星期會曬一至兩次，每次半小時至1小時。」
藝人洪天明也指曬太陽燈最重要是適可而止，「最緊要係適量，曬嘅時候要好好保護自己眼睛，戴眼罩，就唔會太擔心。我最多一星期一次或者一個月一次，不過最近三、四個月冇去曬。」