廣深港高速鐵路香港段未動工先惹爭議，因為要清拆石崗菜園村興建鐵路，至少40名村民受影響，村民一直高姿態請願要求不遷不拆。鄉議局係村民嘅求助對象，為咗捍衞村民權益，主席發叔指示身兼局內專業委員會主席嘅囝囝劉業強親自處理呢件事，太子拆彈功夫有老父幾多成功力，大家拭目以待。
噚日專業委員會喺例會中討論呢件事，菜園村村代表列席，發叔亦坐鎮睇到實，會上達成要求政府以最高價甲級價錢收地共識，但局方不支持完全不遷不拆。發叔話曾與菜園村民交換意見，有信心村民接受鄉議局建議，因為村民都係顧全大局嘅人，總之政府收地時必須有規有矩，勿令村民蒙受損失。