江西省內有個叫新餘嘅城市，可能好多人都未聽過，其實係該省最細嘅城市，但就喺短短幾年間迅速冒升，成為全球光伏產業硅片最大生產基地，且已經向國務院申請成為首個國家新能源科技城。
財政部剛喺上星期公佈「金太陽工程」大計，給予太陽能示範項目50至70%補助，受惠產業包括光伏電行業。新餘市噚日嚟香港招商，市長李安澤話江西省政府已經將光伏產業列為全省三大銷售收入逾千億元嘅產業之一，仲推出相關優惠扶持政策，包括用地、用電、水費同稅務方面，仲設立光伏產業發展專項基金，同200萬元人民幣專項資金，用於光伏產業人才引進同培訓。
李安澤希望將新餘市打造成太陽能光伏產業生產、研發同應用示範基地。現時該市生產光伏硅片產量佔全球15%，位列首位。