「車神」舒密加（圖）回歸F1？法拉利巴西車手28歲嘅馬沙上周六喺匈牙利站排位賽意外頭部受傷，主診醫生華迪斯話馬沙情況穩定，仲可以同家人傾計㖭！之不過左眼受傷嘅馬沙喺今屆F1都唔洗再玩，將來可唔可以再賽車亦屬疑問。馬沙嘅遭遇固然係慘，但法拉利同樣頭痕，皆因佢地要搵個同份量嘅車手頂替馬沙個位真係唔容易，車隊只有個38歲及35歲嘅二線車手供選擇，所以法拉利名宿羅達就力撐40歲嘅「車神」舒密加復出「義助」車隊，我求大俠得知呢個消息，當然舉腳支持啦！「車神」生涯贏咗7次F1冠軍，喜歡刺激嘅佢退休後仲玩電單車賽，要玩番F1真係易過借火，據BBC報道，「車神」話會積極考慮吓，如果佢真係復出，話唔定仲可以幫今季勢頹嘅法拉利後上封王呢！