2009香港先生選舉圓滿結束，出爐香港先生許家傑以及一班落選港男昨日出席在將軍澳鴻星酒家舉行的慶功宴，對於無綫及廣管局共收到8宗投訴，以及被指港男動作意識不良似舞男，許家傑說：「我都係表現自我，大會係有指引，要我哋保持形象健康，我哋係表現自己，冇意識不良。」
郭田葰想做司儀
大會監製何小慧則表示8宗投訴不算多，她說：「大會有指引叫所有港男唔好隨便錫台下女評判，點知人哋鍾唔鍾意，不過最後佢哋自己點做我哋控制唔到。」
多位落選港男都有意在娛樂圈發展，在澳洲任職急症室醫生的郭田葰希望可以擔任節目主持人，他說：「以前喺澳洲都有參與幕前工作，好似做司儀，做咗10年電台節目。不過，我唔會放棄醫生工作，呢個係我志願，但係我都希望有機會可以做幕前，做主持都有興趣。」
採訪、攝影：楊潔雯