金隅股份（2009）今日掛牌上市，估計比招股價升五、六成應冇問題，食糊與否散戶自己衡量。星俠從來唔抽新股，所以唔會有乜意見畀大家，反而我會等新股上市一排之後，睇情況先至去炒。
長盈伺機食糊
啤酒有泡先至好飲，股票亦一定要有泡沫先好炒，否則股海一池死水冇人會開心。前陣子提過的長盈集團（689），昨日爆升36%，以0.30元高收，有貨應該伺機食糊。
中亞能源（850）早前落實以1.13億元收購突尼西亞KsarHadadaPermit油田區塊51%股權，該區塊毗連位置，較早前有外國石油公司SVI成功每日出油230桶，故預期中亞能源的油田藏量豐富。目前取得油田項目之變身股唔多，中亞能源有一定賣點。
該股6月初曾升見高位0.65元，踏入7月初跌至低位0.37元後終見回升，惟股價近期兩度升至0.51元都見回吐，尚幸沽壓唔大，現價0.48元可買，突破0.51元後升勢會加快，目標0.65元，跌穿0.37元止蝕。
方星俠