古巨基近年可算是潮人界代表，不少與時裝及設計有關的活動都見基仔蹤影。早年他設計的公仔Kubi和品牌Hotdog，反應不俗，自簽約英皇千萬酬勞袋袋平安後，基仔即斥資數百萬於銅鑼灣開設workshop並推出自家產品，日前他更和合作的日籍拍檔到公司巡視裝修進度。
近年古巨基可謂搞作多多，除了唱歌拍戲外，又以古sir身份出書做作家，至於年前他創作的公仔Kubi和品牌Hotdog推出以後，外界反應不錯，更獲日本品牌BeamsT邀請合作出T恤。早前推出閃燈聲控Tee也大受歡迎，結果加強基仔的信心，決定開workshop設計產品推出。
基仔早前簽約英皇，千萬酬勞落袋後即叠埋心水一擲數百萬元全力搞workshop，近日基仔已秘密行事，日前他便和日籍拍檔到銅鑼灣耀華街視察workshop寫字樓的裝修進展。
包到冚落舖視察
當日傍晚7時許，頭戴cap帽和口罩的基仔坐保母車到耀華街，他甫落車便會合幾位朋友，當中一位是爆炸頭男士，隱約聽到他們以英文及日語交談，估計是基仔的日本拍檔。
基仔一行數人在耀華街街頭手指指後，便走上一幢唐樓其中一個單位，單位有落地大玻璃，當中未有任何家具，見基仔不時叉腰和同行友人指手畫腳口噏噏動作多多，似乎是在商量單位內裝修問題，大約逗留半個鐘後基仔一行人便離開，再驅車到尖沙嘴打邊爐醫肚兼傾合作大計。
與日設計師合作
據知基仔的workshop初步計劃9月開工大吉，他們會和日本設計師合作，為Kubi和Hotdog推出一系列的產品包括T恤、遮和cap帽等，實行在潮界大展拳腳，更與同樣於銅鑼灣開潮舖的Edison打對台。就開workshop一事向基仔求證，但至截稿前仍未獲回覆。
採訪、攝影：朱志聰、羅德光