Ngsickdachungmanngsaipa！睇唔明？咁你應該識得中文打字，不過唔係個個人都曉得中文輸入法，有時就要靠呢啲疑似火星文廣東話拼音，不過家唔識打中文唔使怕，因為Google首創接受廣東話拼音，日後有啲中文字如果唔識打，都可以Google一下。
咁騎呢嘅廣東話拼音輸入法相信係香港獨有，諗出要幫助另類文盲嘅人亦係土生土長香港人，五個Google工程師話希望幫到更多人利用中文搜尋資料，唔識打中文，或者電腦冇安裝中文輸入法都唔使怕，例如唔識「搵工」，打「wunkung」都得，不過如果連中文打字都唔識，家陣要搵工都應該honanla。