鄭融前日被胸襲，其舊愛新歡昨日異口同聲送上關心。鄭融舊愛劉浩龍昨日在電話中說：「大家係朋友，都好關心。」對於娛樂圈近年接二連三發生同類事件，他說：「我唔希望再有呢啲事發生，家警方都捉到嗰個人，希望可以重判呢啲人渣。」
新歡質疑保安漏洞
鄭融的唱片監製新歡莊冬昕昨日直認有慰問女友，他表示知道鄭融為此不開心，但卻沒有在他面前哭訴，莊冬昕說：「我覺得其實係主辦單位嘅保安有問題，安排失當，家捉到呢個人梗係要懲罰佢。」
對於有指鄭融出事前一晚以低胸裝替港男任評判，故引人遐想，莊冬昕並不認同：「呢啲同性感無關，着衫係有自由嘅，性感都唔應該去侵犯人。」問到可會擔心緋聞女友鄭融日後出席公開場合？他說：「咁都冇辦法，都要做嘢，不過最好主辦單位要安排足夠保安。」他又透露鄭融的新碟錄音已完成，現在是處理後期工作。
採訪：葉雪