日本冷麪即是素麪同蕎麥麪，每年夏天，蕎麥麪的款式會特別多，好似一田就有激新的Wasabi山葵味，微微辣唔攻鼻，幾有新意。聽買手Caesar教路，原來蕎麥麪越多蕎麥粉就越彈牙，傳統的是兩成蕎麥配八成麪粉，而靚的會是3:7或一半一半，甚至全部用蕎麥粉做成的都有，日本人稱之為「十割」，非常彈牙。Caesar仲話煮完麪要即刻過冷河同浸水，等麪唔好再繼續煮，咁就至爽口彈牙！
食冷麪當然不可缺少冷麪汁，日本人做冷麪汁是將劏好嘅鰹魚原條醃到石咁硬，再慢慢刨成木魚花，加昆布湯及豉油熬成。日本仲有醬油老字號咁樣做㗎，所以Caesar話買現成冷麪汁都一樣，而招紙寫住冷麪專用或寫明用北海道昆布之類都屬靚貨，佢仲話冷麪汁有時會加柚子或雞肉味，用來配不同的冷麪，會更加好味。
查詢：26941111（一田百貨）
（左一）最淡味的十割蕎麥麪，最適宜配濃味的味滋康濃縮昆布麪汁。$33.5/500毫升
（左二）山葵味蕎麥麪配淡味的桃屋（淡麗）冷麪汁，唔會被搶味。$29.9/400毫升
（左三及四）一般綠茶或原味蕎麥麪，配上字專科冷麪汁唔會錯。$29.9/330毫升
