o靚模當道，大家都七嘴八舌評頭品足。日前公民黨毛孟靜MissMo喺旺角街頭搞咗個題為「傳媒為性暴力着色」嘅論壇，與會人士都提到o靚模現象。但身為主持人嘅MissMo話，有唔少市民投訴《美女廚房》等電視節目貶低女性兼badtaste，所以搵幾位講者發表意見，完全唔係針對o靚模。
對於o靚模，MissMo認為係渾然天成嘅社會現象，冇人刻意營造；鍾意就鍾意，唔鍾意咪唔好睇，使乜咁反感？但今年書展，MissMo有VIP入場券都冇去到。佢笑笑口話，費時撞正班靚女鬼死咁逼，但都有託人幫佢買本前黨友譚香文嘅新書，睇吓入面有乜料爆。