花旗股市向好，港股順利衝破20000關，但成交只得809億元，好似唔多夠，不過，個市氣氛咁好，期指又就嚟結算，成交冇大增應唔會影響向上嘅勢頭。
滙豐控股（005）升近250日線水平開始有啲壓力，噚日改由中國移動（941）領軍，都係輪流炒嘅格局，下一輪推個市上去應該輪到地產股同內銀股。
中鐵C輪17487：中國中鐵（390）昨收7.15元，升2.1%。股價升破7元之後慢慢推上，呢個浪好大機會升上9元，可以諗吓隻C輪17487。
隻輪現價21.5仙，2010年12月29日到期，行使價7.18元，溢價30.4%，引伸波幅63.5%，槓桿率3.3倍（有效2.2倍），正股升上9元，17487睇34.6仙，如果正股跌穿6.50元，就沽咗隻輪止蝕。
俊樺