早排有同事提到早喺08年11月已經出現嘅巴士Wi-Fi服務使用率似乎偏低嘅問題，事實上我都從未搭過有Wi-Fi嘅巴士，不過噚日搭架116過海，一上車嘟八達通，被大大個免費Wi-FiBanner所吸引，咁好彩竟然搭中，梗係即時要試試啦。坐定定就開着部PSP，話咁快Search到WebusNetwork，連接簡單直接，毋須Password直入主頁。可能無乜人爭，連線品質係全滿。嗱嗱聲開個Browser睇《蘋果》，雖然速度唔算快，關晒Java同Flash都係慢到爆，去到銅鑼灣、紅隧更斷晒線，不過免費上網仲想點？咁以後手機、Notebook查電郵，又或手提遊戲機Online對戰都得？講真，其實長途巴士有Wi-Fi真係好正，不過原來暫只得10架新巴有裝，及機場快線A11、A12有裝，睇嚟要普及仲要等一排。
記者：徐影龍