【09書展-元祖現身】
o靚模始祖楊穎（Angelababy）今年推出第二本寫真集，卻被後起o靚模搶先在書展搞簽名會搶風頭，但她冇有怕，昨日始正式現身書展。提到周秀娜和羅凱珊（Kama）派奶派雪糕兼獻吻搶客，Angelababy直言自己毋須如此瞓身宣傳，加上現場有兩位外籍保安貼身保護，完全凸顯其女神地位。
今年書展接近尾聲，一班o靚模如周秀娜、羅凱珊及由新「邦民女」Anjaylia為首的8模兵團先後為寫真集在書展舉行簽名會，其中周秀娜和Kama更出招派雪糕派奶及獻吻搶客，不過卻惹來不少反對聲音。
「接受唔到獻吻」
身為o靚模始祖的楊穎今年推出第二本寫真集《MissAngelababy》，但直至昨日她始正式到書展舉行簽名會，被其他o靚模搶飲頭啖湯，不過Angelababy卻似乎冇有怕，她昨日獲大批fans支持，聲勢浩大，她見狀也興奮地跳起大叫及揮手。除了大會有近10位保安外，Angelababy的公司私人請來兩位外籍保安貼身保護她，足以凸顯她的o靚模女神地位。同一時間，隔鄰有古巨基搞簽名會，Angelababy十分識做主動與基仔互相交換新作，另外同場的羽翹也搞簽名會，但只有十多人，場面冷清。
問到會否派雪糕或派奶給fans？Angelababy說：「呢啲係宣傳手法，我唔會做，只係簽名，不過今日簽唔晒，遲啲搞私人party再簽。」會否效法周秀娜獻吻？她說：「我唔係好接受到，派食物都唔會。」會否覺得這類宣傳行為過火？Angelababy表示：「唔算嘅，都係宣傳啫。」是否因自己的寫真集反應好，故此毋須做瞓身宣傳？Angelababy笑說：「都唔係，但兩萬本已經賣晒，會再印多1萬本。」有傳日前Angelababy見到周秀娜時即刻彈開，她堅稱沒有，公司也沒有叫她不要和對方合照，Angelababy還大讚周秀娜靚女。
基仔加印IQ書
此外，基仔透露新書《IQ王》銷情強勁，首批12,000本已售罄，現正加印8,000本。
採訪：王連連
攝影：仇志德、黃文成