港股上周五挑戰20000關口，恒指最後報收19982，只差少少就企於20000關收市。上周五晚花旗股市低位拗腰倒升，今日港股可以繼續炒上。
恒指創金融海嘯後新高，成交836億元雖然唔算太配合，不過好友已控制大局，加埋期指周四結算，如果恒指挾上20500，成交有機會超過900億元。
神華C輪16793：神華（1088）上周五報收30.75元，升4.2%。股價以大成交突破30元關，其他煤股都有好表現，氣氛有助神華炒上36元，可以諗吓隻C輪16793。
隻輪現價74仙，2009年12月30日到期，行使價25元，溢價5.3%，引伸波幅52%，槓桿率4.1倍（有效3.2倍），正股升上36元，16793睇1.18元，如果正股跌穿28.50元，就沽咗隻輪止蝕。
俊樺