崔建邦、謝天華同聲護主

崔建邦、謝天華同聲護主

陳志雲出席書展研討會及舉行簽名會,獲一眾愛將現身支持,當中崔建邦對陳總在台上被辱罵,護主心切的他說:「相信啲人都係表達自己意見,掟書只係表達方式,抒發情緒,不過我對於語言暴力同不禮貌行為就唔贊成。」

讚志雲EQ高

問崔建邦在現場目睹陳總被罵會否感到尷尬時,他說:「又唔係我,我哋係嘉賓,唔係攻擊對象,冇乜問題,每個人都可以表達自己。」會否覺得陳總應請保鑣?他說:「唔覺得啲人會傷害陳生,都唔擔心。」
至於謝天華也力指掟書罵人者行為不當,他說:「事件唔係太嚴重,係啲人喺唔適當時間,表達啲唔適當嘅事,要尊重場合,香港係言論自由嘅地方,喺呢個時候過份咗,唔係坐喺度喧嘩大叫會有人理。」謝天華又大讚陳總鎮定,他說:「陳生對呢啲情況好有經驗,用番平時一貫態度,大家睇到佢EQ高,絕對冇問題。」
採訪:楊潔雯