漆油娛樂公司嘅「小肥肥」同「脆麻花」勢成水火，佢兩個因為有競爭而唔妥可以理解，但「水魚眼」男人老狗幫小肥肥杯葛脆麻花，局外人可能會覺得奇怪，但其實小肥肥同水魚眼一直搞緊地下情，家佢兩個搬得好鬼近，近到係有條捷徑可以行去小肥肥屋企鬼混，仲可以避過晒啲狗仔隊。
好驚青睇唔過眼
小肥肥同水魚眼咁嘅關係，又點會唔同一陣線？水魚眼同「太子爺」好老友，咪煮重脆麻花米，有次佢哋公司有私人飯局，水魚眼就同小肥肥拉住成班公司藝人傾偈，專登孤立脆麻花，當時武打仔「好驚青」喺現場睇唔過眼，專登走埋去安慰脆麻花，搞到脆麻花忍唔住喊出嚟！
Textby關仁
