出來社會工作後，多少都會煩惱畀家用這問題，到底應「奉獻」多少才算合理？於網上有人發起投票，問如果你人工有1.5萬元，而雙親沒有工作，應該畀幾多家用呢？
有超過三成人指會畀4000至5000元，揀1000至2000元的不足一成，大部份網友均認同，要視乎自己能力及家人經濟狀況，但平均會畀三分一人工。網友解釋，5000元其實不算多，因為計及屋租、水電煤、飲食樣樣都要錢，皮費不輕，有人更只留零用，其餘全交予父母管賬，應付家庭開支，如有兄弟姊妹分擔，可減一二千。
須視乎自己能力
cookies052001話最多畀4000元，因為自己要供樓、供保險同進修，還要儲筆應急錢，以防不幸被裁，亦有錢可作周轉。大狗0310表示，若父母有積蓄又有兄弟姊妹幫手，家用是一份心意；但如果你是家庭支柱，這就是責任。不過，亦有人認為自己都不夠用，故一毫子都不會畀，bobbylo2110反問：「你諗諗阿爸阿媽供你讀書生活時，有沒有就住畀你？佢哋無私的付出，但你仲想計較嗎？」
網址： http://www.discuss.com.hk/viewthread.php?tid=8433035&extra=&page=1