為了不讓一班o靚模專美，無綫一班女藝人昨晚趁擔任《香港先生選舉》評判，紛紛博到盡努力谷胸狂騷身材，其中呂慧儀和上身低胸下身透視的葉翠翠打扮極惹火噴血，若論全晚最矚目者，則非真空上陣的楊秀惠莫屬。
今年《2009香港先生選舉》昨晚假將軍澳電視廣播城舉行，由鄭裕玲夥拍楊千嬅和剛離開有線的陳貝兒擔任大會司儀，並由600名女藝人包括葉翠翠、椋名凜、台灣組合黑Girl、名人如趙金卿、寇鴻萍及女兒唐貝詩和唐貝欣、胡敏珊、名模AnaR.和Rosemary，以及港姐、國際中華小姐及觀眾等擔任評判，至於原本有份做評判的o靚模Lavina和Rainbow，因o靚模潮氾濫遭無綫總經理陳志雲out出局。
搶盡來賓風頭
未知是否不甘近日風頭全被一班o靚模搶去，無綫一班姊姊妹妹昨晚全都谷胸、低胸又真空上陣，搶盡其他外來嘉賓評判風頭，葉翠翠上低胸下透視的晚裝、呂慧儀前露後露打扮非常噴血惹火，還有穿薄身裙真空上陣的楊秀惠、lowcut組的朱凱婷、徐淑敏、沈卓盈、楊洛婷及陳自瑤等等，同樣引人注目，連一向喜賣弄身材的椋名凜，也失色非常。
呂慧儀接受訪問時說：「條頸鏈價值20萬，條裙係設計師Alex設計，我想今晚令人覺得成熟穩重啲。」葉翠翠說：「條裙係設計師CeciliaYau贊助，夏天透明少少，可以畀人眼前一亮感覺。」楊秀惠被問是否真空時承認說：「入邊都着唔到啲乜嘢，化妝師幫我黐膠紙嗰陣都黐到成身汗。」
脫衣女士大叫
此外，昨晚胡定欣與過氣情敵莊思敏齊齊任評判，二人分別坐在一頭一尾零交流。
而12位候選港男昨晚分成少年組和盛年組表演必殺技，表演「拳王動漫戰」的8號李偉健和「霹靂舞火花」的6號鄭子揚反應熱烈，尤其8號李偉健脫去上衣一刻，全場女士即嘩聲大叫。
採訪:卓寶花、楊潔雯
攝影：葉君海、仇志德
