黃家強及黃貫中（Paul）前晚在紅館舉行「ThisisRock&RollLiveInHK」演唱會，到場的藝人有蔡少芬、朱茵和盧巧音等，家強的太太及兒子都有到場。家強及阿Paul將舞台設計成天台，他們表示以前在天台夾band經常被人投訴。演唱會上二人唱出Beyond的歌曲，又有solo部份。
當家強換上紅白結他唱出《他的結他》時說：「除咗呢支結他，佢留低好多結他畀我，但有一支佢唔肯送畀我，要我用2,000蚊買，係我最珍惜嘅。舊年我搞咗個展覽，大家應該知我講邊個，不如一齊叫佢個名。」接着全場大叫家駒的名字，家強又說笑：「我覺得佢有嚟，唔知係咪坐喺你隔籬，我都不知幾想佢喺我隔籬。」
預告捉世榮上台
早前阿Paul因指棒棒堂咪嘴令雙方fans掀起罵戰，前晚家強為力撐好友亦暗寸棒棒堂：「呢首歌送畀鍾意食糖嘅人，首歌叫《醒你》。」
到阿Paul獨自表演時唱出《Inthenameofrock》時兩度舉高中指做粗口手勢。事後家強謂葉世榮指有時間會到場，他說：「佢講到想出現又唔想出現，畀我見到佢一定捉佢上台。」阿Paul被問到舉中指時，他解釋：「人人都有中指，我只係跟歌詞做。」
採訪：胡比
攝影：陳順禎、陳俊強
